Për arsye të pandemisë së COVID-19 (Koronavirus), ju njoftojmë se mësimi në klasë është pezulluar (prej datës 16 mars 2020) dhe me afat të pacaktuar. Do të ofrojmë kurse “online” së shpejti. Ju falënderojmë për mirëkuptimin. 

Orari i mësimit
KURSET "ONLINE"

Grupi 1 - E mërkurë ora 11:00-11:45
Grupi 2 - E mërkurë ora 14:00-14:45
Grupi 3 - E premte ora 16:45-17:30



Kurset "online" fillojnë me 22 prill 2020

Mësimet do të jenë të shkurta (45mn) dhe përmes videos, ku nxënësit do ta shohin mësuesen dhe shokët dhe shoqet e tyre, që padyshim ju mungojnë. Nxënësit do të jenë të ndarë sipas grupmoshave. Mësuese të ndryshme do të zhvillojnë mësimin (mund të jetë një mësuese tjetër apo ajo të cilën e keni në klasë).

Nëse keni kompjuter me kamerë, nuk duhet asnjë instalim apo regjistrim. Do të ju dërgojmë një adresë, ku mjafton ta klikoni për tu lidhur. Nëse nuk keni kompjuter, mësimi mund të mbahet edhe me çdo telefon, vetëm duhet ta instaloni një aplikacion të thjeshtë (nuk ka nevoje për regjistrim).

Natyrisht, kjo ofertë do të jetë pa pagesë shtesë dhe e hapur për çdo nxënës të LAPSH-it.

Prej vitit 1991, Këshilli kantonal i Lidhjes së Arsimtarëve dhe Prindërve Shqiptarë në Zvicër “Naim Frashëri” vepron në Gjenevë. Këshilli kantonal është i organizuar në formë të shoqatës, sipas ligjeve të Zvicrës,  dhe organizon mësimin e gjuhës dhe kulturës shqipe për fëmijët e mërgimtarëve shqipfolës në këtë kanton.